原文連結在此: https://www.hk01.com/寵物/204516/領養格力犬-犬隻訓練員fb提醒要三思-格力犬有別於一般寵物犬
犬隻行為訓練員透過專頁Bambiland - Photography and Dog Training發佈了一篇「長文」提醒有意領養格力犬的有心人，格力犬與一般寵物犬不同，需要更多耐性和時間磨合。
澳門逸園賽狗場將關閉，600多隻格力犬前路未明。(資料圖片)
犬隻行為訓練員小明接受《香港01》訪問時表示，格力犬體力維持時間較其他狗狗短，所以與「一次過玩幾個鐘相比」，格力犬更需要的是「次數多，時間短」，而且他指朋友到澳門見過格力犬後認為牠們對人的反應很極端，「一係好興奮，一係好驚人」，亦擔心領養者一時衝動「無諗過拎咗返嚟搞唔搞得掂」，呼籲大家要想清楚，能夠有足夠的時間和耐性，給予一生的承諾。
與「一次過玩幾個鐘相比」，格力犬更需要的是「次數多，時間短」的放電時間。(資料圖片)
文中提到格力犬有不少「異於常狗」的特性，而且澳門的格力犬曾為比賽犬，沒有與人甚至其他狗相處過，嚴重缺乏社交，更需要耐性和時間磨合，加上格力犬品種獨特，頸圈和胸帶之類的物品與一般狗狗不一樣，有特製的需要，以胸帶為例，只有意大利名牌 Haqihana 有格力犬胸帶，價錢也相當昂貴。透過提出養格力犬會遇到的不同問題，希望領養者並非一時衝動。
以下為原文轉載。（Bambiland - Photography and Dog Training授權轉載）
『超長文』呢排熱話係講緊領養澳門退役賽犬──格力犬 Greyhound。有幾多人對呢種犬種有認識？又有幾多人接觸過？雖然佢哋係好可憐前路茫茫，但不加思索咁就領養，然後仲話傾緊免驗疫入口，到底係咪又係好事？
我非常支持領養，但更支持理性地考慮後再領養，而唔係因為疊馬、威、英雄主義咁走去跟風領養。因為唔諗清楚，其實只係將佢哋由一個地獄搬去第二個地獄，無分別。
Greyhound 到底係一種咩狗？網上好多描述都只係話佢哋係獵犬、然後咩非常友善，對人對狗對小朋友都超級好。但到底係點呢？我自己接觸得唔多，但呢方面嘅資訊有一位主力推動澳門救格力嘅朋友確認過，佢非常熟悉而且都接觸過場內嘅狗好一大段時間，佢自己都有養。所以都算幾準確。
大約 list 下領養返來嘅 greyhound 會有乜嘢行為或性格問題，再自問有無條件養得掂，然後再諗領養。當然得嘅，希望你哋去馬，幫幫手！
小明指朋友曾到澳門見過格力犬後認為牠們對人的反應很極端，「一係好興奮，一係好驚人」。(資料圖片)
Sleep Aggression
Greyhound常見到嘅問題。（update：有澳洲義工分享佢哋果邊比較少見） 唔知係由於基因定係遺傳定係賽犬訓練嘅問題，好大部份嘅 greyhound 都有唔同程度嘅 sleep aggression 問題，而呢種問題係極難利用訓練修正，而且成功率好低的。你只能用環境管理嘅方式同佢慢慢磨，磨到佢得。
Sleep aggression，顧名思義即係瞓緊覺時，唔埋得身﹑唔搞得，甚至有機會行過都唔得。唔得即係點？輕則凶你，重則咬你。就係咁。
Greyhound常見到嘅問題。（update：有澳洲義工分享佢哋果邊比較少見） 唔知係由於基因定係遺傳定係賽犬訓練嘅問題，好大部份嘅 greyhound 都有唔同程度嘅 sleep aggression 問題，而呢種問題係極難利用訓練修正，而且成功率好低的。你只能用環境管理嘅方式同佢慢慢磨，磨到佢得。
Sleep aggression，顧名思義即係瞓緊覺時，唔埋得身﹑唔搞得，甚至有機會行過都唔得。唔得即係點？輕則凶你，重則咬你。就係咁。
「瞓緊唔搞佢咪得囉」可能你會咁諗，都好正路。不過，格力犬一日有8成時間瞓緊覺，然後佢瞓緊覺同唔瞓覺嘅時間，都一樣係攤係到唔郁同埋開眼的，你分唔分到佢邊一刻係瞓緊？
Predatory Behaviour
Greyhound 係視覺型獵犬 (Sight Hound)，主要以視角追趕獵物然後捕捉。屋企有養貓、雀鳥、兔等等細細隻又郁嚟郁去嘅嘢，最好唔好諗，或者你可以做足 management。雖然唔係100％ 會有，但機會都高的。Predation 即係乜？即係要對方死，早前寫過。
Greyhound 係視覺型獵犬 (Sight Hound)，主要以視角追趕獵物然後捕捉。屋企有養貓、雀鳥、兔等等細細隻又郁嚟郁去嘅嘢，最好唔好諗，或者你可以做足 management。雖然唔係100％ 會有，但機會都高的。Predation 即係乜？即係要對方死，早前寫過。
超嚴重社會化不足
賽狗生涯只有訓練同埋跑，完全無社會化可言。所以對人對狗都係，一係就超自閉會閃避會匿埋、一係就超興奮；澳門狗場領養果堆係無中間的，一係就好驚一係就好興奮，所以要有心理準備揀邊種都係要慢慢 train up 返去中間位。
賽狗生涯只有訓練同埋跑，完全無社會化可言。所以對人對狗都係，一係就超自閉會閃避會匿埋、一係就超興奮；澳門狗場領養果堆係無中間的，一係就好驚一係就好興奮，所以要有心理準備揀邊種都係要慢慢 train up 返去中間位。
因為社會化嚴重不足，所以都好多時會咬嘢﹑見狗緊張﹑見人緊張等等，一驚就甩繩，一甩繩就大鑊了。
Touch Sensitivity
格力犬唔鍾意人摸，唔知係社會化問題定係身體結構問題，對人摸係好敏感的。
格力犬唔鍾意人摸，唔知係社會化問題定係身體結構問題，對人摸係好敏感的。
先天結構保護弱
格力犬無毛髮無脂肪，基本上一定要 manage 好唔可以同任何狗打交！一打好大機會就超重傷甚至死亡。
格力犬無毛髮無脂肪，基本上一定要 manage 好唔可以同任何狗打交！一打好大機會就超重傷甚至死亡。
關於體力放電
有網上人話要咩好多時間同佢放電，其實都唔係。佢哋體力好差但爆發力好強，反而要問自己可唔可以有環境𢌿佢盡情跑，或者有無閒情成日車佢去跑。如果領養完放佢係屋企的話，佢哋會屈到病的。情緒病嘅下場都係咁上下，唔多講了。
有網上人話要咩好多時間同佢放電，其實都唔係。佢哋體力好差但爆發力好強，反而要問自己可唔可以有環境𢌿佢盡情跑，或者有無閒情成日車佢去跑。如果領養完放佢係屋企的話，佢哋會屈到病的。情緒病嘅下場都係咁上下，唔多講了。
如果你會同佢痴線咁放電的話，唔好多過5分鐘，穩陣少少3分鐘到好喇。唔係佢哋就會趴咗係到，你預咗抱佢走了。但咁重嘅狗，我自問抱唔到佢返屋企喇。 XDD
格力犬有不少「異於常狗」的特性，而且澳門的格力犬缺乏社交，更需要耐性和時間磨合。(資料圖片)
睇完都覺得自己可以比到空間﹑時間同埋manage 到的話，記得即刻去馬！來緊都仲會有領養日的。雖然目前返港手續上有困難，但應該好快會有轉機。
如果自問只係出於同情心或英雄主義想領養嘅，幫手分享唔同資訊同領養渠道，令有能力嘅人睇到然後救佢哋走，咁樣反而更好。
共勉之。
後記補充：
以前有介紹話利用時間點嘅學習方式 (Temporal Conditioning)，格力犬係呢方面係高手。所以佢哋嘅生活習慣係需要好耐先改變到。如果佢瞓開個倉係好早或好夜起身活動的話，你就要有呢個預備係陪佢癲。
UPDATE：留言有真實澳洲退役犬嘅用家分享
再 UPDATE: 其實我唔係想令人覺得格力係好難搞嘅犬種，我只係講緊澳門呢堆狗你有機會遇到嘅問題。所有嚴重社會化不足嘅狗都有機會遇到嘅問題。有呢堆問題加埋格力比較唔願意改變或常瞓覺嘅天性，你需要更多嘅耐性同埋時間去磨合。
另外，格力犬用嘅頸圈同埋胸帶都係要訂返黎的。以胸帶為例，得意大利名牌 Haqihana 有格力犬胸帶，貴到 hihi。唔好拎咗返來見買條帶都貴過人又覺得中伏。
文章
