動物警察 愛心第一 / 超人

《新報》，2013/1/14

嗚…嗚... 打佢，打佢，一隻狗仔在悲鳴....

那一隻狗仔，五孔流血，好似食了毒藥，一定是他吃了道路旁的麵包，其實，有人落了毒，毒死流浪狗。你見到這種情況，你會點做？

你是不是會避之則吉，都係唔好理咁多事。

萬一，你好有愛心，你都係打電話給愛護動物協會，通知他們派人來，帶走隻狗，盡快將他人道毀滅，不要死得那麼痛苦。

但是，這一種情況可能會改變，只要我們成立了動物警察，你見這一個情況，你可以報警，等警方派「動物警察來到現場」，搜集證據，睇吓有無可疑的兇手。

到時你就不是打九九九，而是打七七七，動物警察即刻出動。

以上故事，係天方夜談，不會在香港發生，因為，一班愛護動物人士，促請一哥成立動物警察隊，緝捕那些虐狗虐貓的兇手，非常可惜，一哥話，警方沒有人手成立動物警察，佢仲話，o依家警方不是不理會虐狗虐貓事件，他強調，警隊現時和愛護動物協會聯手執法，非常有效。

佢話，係執法，其實，我覺得無用，只係執屍。貓狗被人山邊毒殺，隨街虐打，他們第一時間係去執屍，好難緝捕兇手。因為，他們根本沒有調查，無心追兇。

查案最重要係心態問題，我當份工去捉賊，一定不成，必需有一種正義感，除暴安良，或者，好似福爾摩斯，係一種研究精神，動物警察要有使命感，更加要多一份愛心。

警察捉賊有鬥心，幫貓狗緝兇，不是能力問題，而是愛心問題。

沒有愛心，做不成動物警察，查案好易放棄；其實，一哥不成立動物警察，是他沒有愛心。其實，警隊不乏有愛護動物的警員，如果，資源不足，可讓他們工餘查案，試行一年，觀乎成效，也未嘗不可！

lamchiuman@hotmail.com