支持成立動物警察 陳彥行 救狗救上癮

《頭條日報》，2013/1/18

好心有好報，去年陳彥行（行姐）母性大發，接二連三收養了三隻來自內地的小狗，包括來自上海的約瑟泰利花花、混種蝴蝶犬妞妞及出自江門的西施狗糯米糍，自此行姐開始行運，內地外快源源不絕，已經停播兩個月的DBC數碼廣播電台突然又在月底復播，2013年是行姐好的開始。今年她除了努力搵錢外，更會積極關注動物權益，反對非法寵物繁殖，將動物商品化，同時也會參與「守護動物計劃」，重視虐待動物個案。

行姐原有的兩隻約瑟小狗小王子及小公主是朋友從繁殖場打救出來的，去年家中更加添三隻來自內地的新成員，包括花花、妞妞及糯米糍，一家五口，熱鬧到不得了，不過，自移民香港成為「港女」後，妞妞有埋「港女」脾氣，唔LIKE時會咬人，所以行姐常以高八度的國語責鬧她。至於糯米糍就最旺她，十足招財貓，花花最乖最定性。

自私的人類

行姐披露她們的坎坷「身世」：「妞妞喺小型私人繁殖場凍到僵，而且成眼眼屎，睇見都唔抵得；糯米糍仲慘，因為後腿有問題行唔到被棄置停車場，好彩俾好心人執咗送去慈善收容所，並且接受治療，由最初要用輪椅，到 家經已行動自如；花花就係上海一間寵物店嘅配種狗，一歲幾時已開始生病，見佢哋咁慘就將佢哋運返香港。」其實行姐原有的小王子及小公主本身也是香港私人繁殖場配種狗，由於一歲前已被朋友拯救，所以都屬處男女，現在則做了絕育。

因為緣份到而收留三隻流浪小狗，她形容救狗救到上晒癮：「可能一把年紀，母愛氾濫，所以將愛心投放動物上，我鬧爆虐待動物兇徒，大力支持成立動物警察，更加反對私人繁殖，自從十三歲媽咪為咗?我留喺屋企而買松鼠狗，自此再冇去寵物店買寵物！」