看門犬被人道毀滅 溫啟明痛心

《東方日報》，2018/3/18

唔少愛狗人士會視愛犬為子女，但都有狗隻被視為看門犬，幫手守住地盤，又或者係為住村屋嘅人士守衞家園。西貢區議員溫啟明就戥看門狗心痛，事關佢曾聽過有狗隻成功守住財物，但竟然被人道毁滅囉！

董健莉狗仔愛爭風呷醋

溫啟明表示，聽講過有人養狗看門口，而賊人入屋時更成功抗敵，除咗令到主人唔使蒙受財物損失，更令到賊人成功被捕，真係非常稱職！不過，嗰隻狗仔係靠咬傷賊人而捉到賊，事後竟然被指控有暴力傾向，被迫人道毁滅。如此慘痛嘅下場，真係聽見都令人心噏，難怪佢會戥狗仔咁唔抵！

沙田區議員董健莉亦都係愛狗之人，佢就透露屋企養咗兩隻狗，間中會爭風呷醋，不過並唔係大蝦細，而係較遲養且身形較細小嘅狗仔主動挑戰大狗！佢就估計，細狗係恃住得人歡心先敢於爭地盤，估唔到狗隻之間都會咁攻心計喎！