可憐狗狗餓死街頭 激發網友領養行動

《頭條日報》，2012/12/4

天氣又凍又濕，Kelly好多姊妹朋友已為寵物添衣。不過，街上好多狗狗無家可歸，捱飢抵餓，好值得同情，有網民就在新界一鄉郊貨倉，聽到一隻狗媽媽悲鳴，發現一隻一個月大小狗餓死，另外三隻同樣又凍又餓，於是在網上發起領養行動。

從網民拍得圖片看來，僥倖活下嘅三隻雄性小狗（見圖），身體無大礙，其中兩隻是啡色，一隻是黑色，像毛毛球一樣，非常可愛！但佢嘅身世就可憐。網民指，一隻在貨倉看門的狗女，上月誕下了四隻狗寶寶，一家五口「有餐無餐」，早前其中一隻狗寶寶過世，狗媽媽在狗屍體旁悲鳴，才被途人發現這一個可憐的單親狗家庭。上載照片的網民徵求有心人收養小狗，不過列明，如希望收養小狗作看門用或不准牠們入屋則免問。一旦領養了，小狗約半歲時便要為牠們絕育，以確保不會無限量繁衍及保障牠們健康。