11歲貴婦狗仔仔屯門走失 主人：我成晚掛住佢掛到瞓唔著！

2018-07-28 17:38

原文連結在此: https://www.hk01.com/寵物/216148/11歲貴婦狗仔仔屯門走失-主人-我成晚掛住佢掛到瞓唔著
網民Kate所養的玩具貴婦狗現年已11歲，名叫卒卒；7月26日於屯門市廣場賽馬會投注站附近走失，事發後全家總動員四處外出仍遍尋不果。不過Kate的兒子仍未放棄，每天下班時都會立即外出尋找卒卒的下落。

主人形容「卒卒」性格乖巧，平易近人。（KATE LAW）

「卒卒」自出生後由Kate及其家人一同飼養，「卒卒」從小就會和Kate或其丈夫一同外出散步，十多年來外出的時候牠從來都未有走失。每天早上，「卒卒」就會與主人一起在屯門一帶散步，其兒子羅先生接受《香港01》的訪問時指：「「卒卒」係一隻好活潑好動嘅狗仔，再加上貪食唔怕陌生人嘅關係，佢很容易就會跟咗人哋同離開主人嘅視線範圍。」羅先生之後亦補充說道：「不過通常佢（卒卒）都識得自己返來，因為我哋屋企開鋪頭，佢同客人玩完都識自己返鋪頭，好鬼乖！」

「卒卒」的生活照。（KATE LAW）

但在7月26早上約9時，羅先生（Kate的丈夫）如常帶同「卒卒」和另外一隻狗狗到屯門市中心一帶散步，「「卒卒」平時好鍾意食下樹下面啲草，初時都有留意佢走咗去邊到食，但過咗一陣先擰轉頭就發現卒卒唔見咗。」，隨後羅先生和Kate立即報知漁護處、四處張貼街招尋狗啟事、亦有上載「卒卒」的相片到社交平台的狗狗群組，希望可以呼籲有心人留意牠的下落。

主人形容「卒卒」胸口有一撮白色毛，十分容易辨認。（KATE LAW）

根據羅先生的描述：「「卒卒」走失嘅時候並冇帶頸圈，四隻腳嘅腳趾全部修剪過，心口同埋身體嘅毛基本上都好短，剩落來嘅四隻腳同頭既毛都有留長，而心口係有一撮白色毛，非常容易認到佢。」

Kate的兒子又表示，其母親擔心的原因不止是「卒卒」走失的事情，他又指「卒卒」年紀漸老，經常會有氣喘的情況，再加上近日本港天氣炎熱，擔心牠未能承受這種天氣。「我媽媽每晚就不停咁喊，但我知道呢個時候我要做嘅就係四處去搵「卒卒」，尋晚我都有上山搵咗幾個鐘，可惜都係搵佢唔到。」Kate的兒子說道並希望藉此呼籲任何人假如有「卒卒」的消息可以聯絡他們（9095 2755或6252 8378）。