原文連結在此: https://www.hk01.com/寵物/226013/賣樓獨力開平價狗狗水療中心-老闆娘-我想幫埋啲流浪狗狗
每個創業者背後都總有段故事。六年前，狗主Edith的狗狗Toby因後腿韌帶斷裂導致行動不便，而港島區針對狗狗的水療中心貧乏，因此她把心一橫放賣自己的樓房，並決定獨力經營自己的狗狗水療中心。希望可以幫助自己的狗狗之餘，亦能方便港島區的狗主，以至為流浪狗狗提供水療服務。
六年前狗主Edith的狗狗Toby因後腿韌帶斷裂導致行動不便，再加上港島區針對狗狗的水療中心的地方貧乏，因此她把心一橫放賣自己的樓房，並決定獨力經營自己的狗狗水療中心。（鄧偉傑攝）
Edith本身的職業是一位會計師，由於她的媽媽近年患上腦退化，再加上愛犬Toby於六年前，手其中一隻後腿的韌帶不幸斷裂。因此她毅然辭職，決定全力照顧家母及狗狗。Edith接受《香港01》記者訪問時表示：「媽媽初時患有腦退化嘅時候，連我係佢個女佢都記唔到，但偏偏佢就只係記得Toby個衰仔。」
Edith本身的職業是一位會計師，由於她的媽媽近年患有腦退化，再加上愛犬Toby於六年前其中一隻後腿的韌帶不幸斷裂，她因此辭職並決定全力照顧家母及狗狗。（鄧偉傑攝）
2011年，八歲的Toby因為其中一隻後腿的韌帶斷裂，獸醫建議Edith應該盡快帶狗狗接受水療醫治。她遵從獸醫的意見，立即帶狗狗走遍全港多間狗狗水療中心。不過在兩年前，Toby另一隻後腿的韌帶亦都出現斷裂的情況。Edith深知不妙，居住在港島區的她，苦於住處附近並沒有任何狗狗的水療服務，因此決定自己開辦一間自己的狗狗水療中心。「其實由Toby第一次斷韌帶開始，我已經打算開水療中心的打算，經過Toby第二次斷韌帶一事，令我更加確立要自己要開一間狗狗水療中心。」
Toby第一次斷韌帶開始我已經打算開一間狗狗水療中心，經過Toby第二次斷韌帶一事，令她更確立要親自經營一間狗狗水療中心。（鄧偉傑攝）
為了開辦狗狗水療中心，Edith不惜一切代價，甚至賣樓房去達成心願，因此曾經遭到身邊的親戚朋友反對。「當時親戚朋友都話我做咩咁傻，話『你阿媽都咁老，又得你一粒女，點解唔留筆錢去照顧佢呢？』。其實當時我衡量過，我賣咗樓仍然可以好好照顧我媽媽先咁做，再加上我知道自己好愛Toby，我亦都好希望呢間鋪頭，唔單單係我同佢之間嘅回憶，我好想將我對Toby嘅呢份愛，分享到畀其他狗狗，以至去到等待被領養或者喺街流浪嘅狗狗」，Edith感慨說道。
Edith希望將Toby的愛分享到至其他狗狗，如等待被領養或者在街上流浪的狗狗。（鄧偉傑攝）
Edith表示，現在水療中心開業至今不足半年，雖然中心正處於起步階段，不過仍希望為顧客提供一個合理價格的狗狗水療服務。而現在公司裡的職員，都是一些有經驗或曾經受過在職訓練的人士，職員亦會定期參與水池公司所舉辦的工作坊，以了解及學習與狗狗水療有關的資訊。「我一直好感恩，我哋公司嘅職員都好願意去學，因為一個狗狗泳池所涉及，同埋要留意嘅嘢真係好多。水池嘅溫度、深度、水質以至浮力，都要好嚴格去調教。」Edith如數家珍地說道。
Edith表示水療中心中心仍然處於起步階段，不過仍然希望為顧客們在一個合理的價格之下為牠們的狗狗提供水療服務。（鄧偉傑攝）
被問到經營水療中心期間，有否遇過一些奇人奇事，Edith笑說：「好多主人帶狗狗嚟到（水療中心）就同我哋講，『嗱，你叫佢（狗狗）不停咁游就得，唔駛畀佢休息㗎喇』。通常聽到客人咁講，我都會請水療訓練師親自同客人講解返，「狗狗其實唔係機器，佢哋做運動或者做物理治療都會攰，凡事適可以止就夠，唔駛下下去到咁盡。」
Edith認為狗狗對金錢並無任何概念，養寵物最重要的是時間及愛心。（鄧偉傑攝）
水療中心開業未到半年，Edith腦裡已充滿大計：「未來嘅日子，我希望為唔同嘅狗狗做得更多。不論寵物、 等待領養嘅狗狗、 以至流浪狗，如果佢哋需要水療服務，我都想幫到佢哋，尤其係等待領養嘅狗狗同埋流浪狗，我免費幫佢哋做都無所謂，最重要係狗狗身體無事，傷勢可以好得返」，Edith說道。被問及如何看侍香港人養寵物的情況，Edith表示養寵物最重要的是時間及愛心，「狗狗唔會知道咩係奢侈，佢只會知道佢嘅人生只有一個主人，就係你。狗狗只係需要一個對佢不離不棄、 愛佢嘅主人，我好希望香港人可以感受到呢一點。」
Facebook專頁：toby PET CASTLE
Facebook專頁：toby PET CASTLE
文章
