接載待領養狗狗有感而發 Call車老闆：港人應有領養代替購買觀念

2018-08-20 19:29
原文連結在此: https://www.hk01.com/寵物/225077/接載待領養狗狗有感而發-call車老闆-港人應有領養代替購買觀念

經營寵物接送這門生意不時也可以在車上見證主人與寵物共聚天倫，與他們遊過香港每一個角落，到處逛街。但昨夜（19）一間寵物接送公司的老闆就在公司的社交平台專頁發帖表示傷心，事關一隻狗狗在多次的領養日中都未能找到一個溫暖的家，因此有感而發，並希望香港人可多關注領養狗狗的情況。

一間寵物接送公司的老闆於公司的社交平台專頁發帖表示傷心，事關一隻狗狗在多次的領養日中都未能找到一個溫暖的家，因此有感而發。（Facebook截圖）

霖仔從Harry的身上感到沮喪和徬徨

一間專營寵物接送的公司「金叵羅快遞 Golden Pet Pet Express 」於其社交平台專頁表示：「寵物接送，唔係每一程車都咁開心，咁願意去做……」據知於8月19日的晚上，公司收到寵物義工通知，要從一個寵物暫托家庭中的小唐狗Harry接到狗場，公司負責人霖仔表示：「車廂只有我同Harry，我不時回頭望，望住Harry嘅背影，強烈地感受到佢有幾沮喪，徬徨，絕望……究竟每日有幾多個好似Harry咁既情況？但起碼佢有狗場收留，（但）仲有幾多係無人救，無人理？」貼文一出隨即引來大批網民討論及轉載，有些人更表示，可以為狗狗Harry提供暫托的機會。

公司負責人霖仔表示完全感受到Harry沮喪的心情。（Facebook：金叵羅快遞)

金叵羅快遞負責人霖仔接受《香港01》訪問時表示，小唐狗Harry早前被漁農署發現於天水圍公園流連，幸好有狗義工及時抱起方才避過追捕。「當時其實亦有另一隻小唐狗Potter在Harry的身邊，但令人傷心的是Potter已經搵到有心人領養， Harry仍在等待（有心人出現）當中。」

狗狗Harry現於狗場生活。（Eddy Wonky）

負責人：救得一個得一個
金叵羅快遞負責人亦稱讚Harry生性乖巧，沒有任何脾氣，是一隻忠心的狗狗。被問到今次接載Harry的感受，負責人霖仔表示：「呢個經歷實在令我非常深刻，望住Harry無助嘅眼神令我反思狗狗嘅一生其實只係想搵到一個愛錫牠嘅主人，我將件事放上網唔係想製造咩回響，而係希望香港人可以多少少留意狗狗領養嘅情況，學習『領養代替購買』嘅觀念。」據知，金叵羅快遞就著任何有關接送領養日的訂單一概不會收費，「做人做事唔係咁計，當然有時義工都會畀返錢我，但我都係抱係救得一個得一個嘅心。」霖仔感慨說道。

Harry經過連日來狗場職員的照顧，漸漸適應環境。（Eddy Wonky）

Harry現於狗場內生活　狀況良好

現時Harry正於狗場內生活。據網上平台「沙律貓狗之家」的職員描述，Harry 非常是一隻非常親人的狗狗，除此以外亦懂得定點如廁，以及和不同體型的狗狗相處融洽性格，如果與人們熟絡後就會放開懷抱去親近人。今早又有貼文交代Harry的情況，「經過沙律媽連續嘅陪伴，Harry情緒都好咗少少，初初都會『胡』人，依家無『胡』人同無再成身震同流口水。」。平台亦呼籲若有善心人希望領養Harry，可隨時聯絡Winnie Cho（電話：9319 1520）