被狠心主人遺棄 跟至公路 狗兒追車兩公里 網民心痛

《新報》，2013/4/4

電影《人狗情未了》，展現人與狗之間的深厚感情，但網上一段屯門「狗追車」近3分鐘片段，揭發疑有狠心狗主棄狗，惟忠心耿耿的狗兒一直追住主人所駕私家車超過兩公里，直至追到屯門公路，私家車加速不顧而去，狗兒亦力竭目送主人遠去，有網民看了片段表示「眼淚掉了心很痛」。

批警察懶理 斥狗主陰騭

有網民錄了一段名為「隨街掉狗！最終都跟唔到狗狗唔知去向！」的影片，並講述經過謂：「你哋睇……隻狗有頸圈，由虎地追到入富泰停車場之後仲追到去屯門公路。有唔識嘅人留言話呢隻係村入面嘅流浪狗，唔係車主遺棄佢。我持平少少，唔貼佢個樣出嚟，大家睇片決定（車頭玻璃有洪水橋富澤豪庭嘅泊車證）。我都知報警係冇用……警察態度係覺得我哋多事畀嘢佢做，我覺得，你就算唔當狗係有生命，都應該當有件物體喺馬路快速移動去理下件事啦，重要轉頭喺警車度見我拎嘢食跟住隻狗狗引佢，喺車度笑我。雖然我好多朋友係警察，不過嗰班真係唔做嘢！狗狗追咗好耐追到上屯門公路，太多車放棄走番回頭路，可惜最終都跟唔到狗狗唔知去向……都係嗰句，有報應！唔好咁陰騭啦啦！」

網民Winwin Ho稱：「如果佢（車內人）唔係主人的話，隻狗係唔會主動追佢咁長時間嘅，如果我係車裏面嘅人，我見到咁有性嘅狗追自己，我會即刻攬住狗然後大喊，同埋覺得自己咁做好差好慚愧！」Yeung Kit Kit謂：「如果車主係主人，佢因×住俾雷劈。」Cherry Woo則表示「眼淚掉了……心很痛……」