2021/1/25 — 12:51
原文連結在此 : https://www.thestandnews.com/politics/%E5%B0%81%E5%8D%80%E9%81%8E%E5%BE%8C-%E5%B0%8F%E5%BA%97%E6%9D%B1%E4%B8%BB%E5%98%86%E6%90%8D%E5%A4%B1%E6%85%98%E9%87%8D-%E5%86%80%E6%94%BF%E5%BA%9C%E8%A3%9C%E5%84%9F-%E8%AC%9B%E5%92%A9%E9%81%8E%E5%B9%B4%E5%91%80-%E9%81%8E%E8%BA%AB%E5%B0%B1%E6%9C%89/?fbclid=IwAR2zTX3a5sE5LpLMlaF5stwfPgJnjN9fBQ9rO1ll-gTSVDcIsUtJCMnXveM
油麻地佐敦四街「封區」48 小時，至今晨 4 時終解封，惟今早仍有大批身穿白色保護衣的工作人員在各大廈門外駐守，有區內包點店店主羅先生表示，街道上「白衣人」比市民更多，「邊個夠膽嚟食嘢啊？咪又係做唔到生意」，更稱「仲講咩過年呀，過身就有！」但亦有魚檔檔主認為，檢測能找出染病者，避免進一步傳播病毒，「叫做好過無囉」。
在上海街經營蒸包店 8 年的羅先生憶述，兩日前凌晨 4 時，正下樓準備開店，突然被禁止離開大廈，只能回家，「自己鬧自己抵死，點解要係油麻地開鋪？」他批評政府公布安排不理想，「你封唔緊要，早啲通知嘛」，「兩日唔開，人工損失、鋪租損失、貨錢損失，都有成萬蚊」。即使該區今日已解封，惟區內仍有白色保護衣工作人員駐守，「白衣人仲多過普通人，邊個夠膽嚟食嘢啊？咪又係做唔到生意」，羅先生又質疑食環署人員為何要待今早才清潔洗地，「解封前唔洗，點解係要等人哋開舖開工先嚟洗？」
他表示在疫情下本身生意已欠佳，「而家直情係雪上加霜 、靜上加靜」，擔心捱不到過年，「仲講咩過年呀，過身就有」、「無希望啦，得絕望」。他期望政府可以「補償多少」，「當係可憐下我哋小商戶啦。」
新填地街賣花的花姐
問到預計損失多少，花姐指「冇得計，計唔到咁多！」她亦擔心如要再做檢測，可能要再封區，「我驚佢話要再封呀，到時真係新年都唔駛做，望就望佢就嗱嗱聲搞掂（疫情）...真係冇得預計，見步行步啦」。
2021.1.25 新填地街賣花的花姐亦指損失慘重
魚檔東主：找到確診個案都好
2021.1.25魚檔東主
在油麻地街市，今早亦有工作人員洗地清潔，食環署工作人員提醒有養貓的舖主不要讓貓周圍走，以免他們舔到地上的消毒藥水。
魚檔東主鄭先生表示，兩日封區損失約三分一貨，但亦無可奈何，「有得賠就開心，冇都冇辦法，佢都有佢難處」。對於封區檢測只找出 13 個個案，他指封區前已有人離開，當局未必能找到，「而家搵到十幾個，叫做好過無囉」。
街市今日 9 時重開，惟鄭先生表示，街市原本有何文田、官涌等居民來買菜，但其他區市民已對油麻地街市失去信心，即使封區檢測後，相信生意亦不會回復。
另一魚檔檔主則指，政府預早通知會較好，「預早幾個鐘頭通知就好啲，入少啲貨，啲魚會死的嘛」。不過她認為，安排封區檢測都是好的，自己也安心點，「搵到 13 個都好，13 個可以傳染好多人嘛，一陣 13 個都變 3 萬個」。
她表示無法預計生意會否好轉，惟有自己做好清潔消毒，但封區檢測就「唔好再嚟」，「你個區有問題先成日檢測，檢測檢測又檢測，仲邊有人嚟？我哋都要生活嫁。」
食環署署長劉利群稍早時間亦到場巡視，表示過去兩日已加強清潔，期間曾慰問魚販，「唔該曬你哋」。
區議員：希望市民考慮區內小店辦年貨
佐敦油麻地「受限區域」凌晨解封，油尖旺區議員李傲然及何富榮今日下午聯同一眾新填地街排檔檔主見記者，呼籲市民支持區內小店，可以放心在這裡辦年貨，又高呼「幫幫商戶過年關，振興商戶齊幫襯」的口號。賣餅食的東主馬女士表示，當日政府指要封區，檔主與居民亦覺得無奈，而且消息一直未能核實，感無所適從。她稱，自疫情在該區出現，人流大減，生意已一落千丈，「捱咗成個月」，希望市民可以對排檔及街市重拾信心，一起度過年關。
油尖旺區區議員李傲然亦表示，封區已成過去，今早食環署亦已派員進行清潔，希望市民不用擔心，如有需要辦年貨，亦可考慮區內小店，做到同舟共濟、社區自救。他亦呼籲政府提供防疫抗疫的支援及津貼補償，「政府俾啲誠意，補償佢地呢兩日損失」。
海味店店長：曾要求餵貓被拒
佐敦油麻地部分範圍封區兩日，受影響的不僅是商戶，還有貓。炮台街一間海味店的「店長貓」在封區期間，沒有罐頭，「無啖好食」。老闆孔先生表示，阿才平日食慣罐頭，惟封區期間只有乾糧在店內，「佢食唔慣、食到嘔」。孔先生稱，今早回店鋪再見到阿才時，已覺她沒有平日精靈，只不斷喵叫，要求餵罐頭，「一罐唔夠，即刻食咗兩罐」。
他又表示，曾經持陰性檢測證明，向民政處人員表示想回店餵貓，怎料對方稱「兩日應該餓唔死嘅」，孔先生感嘆，「佢可能有佢道理嘅，真係搞返好，唔好話（這裡）『疫區』就得」。
文章
