2013年4月26日星期五

長毛修訂若通過動物有難

《東方日報》,2013/4/24

財政預算案今日進入審議階段,相信班議員已詳讀其他同事就唔同項目提出嘅修訂,好多議員都關心扶貧、房屋政策、公務員薪酬或福利等撥款,但陳克勤就與眾不同,關心動物團體嘅撥款。克勤尋日喺社交網站上分享咗張相,附有漁農自然護理署嘅開支,其中一項係撥款一百萬元予動物福利機構,仲講明如果梁國雄(長毛)提議將呢筆款項削減九十九萬九千元嘅修訂通過後,來年動物福利機構嘅資助就只係得番一千元。大家都知呢啲修訂唔會通過,但克勤提出呢個問題,就吸引四十幾個網民回應,但克勤自己就冇再留言回應喇。