動物福利關注聯盟成員，由火災首日（26日） 下午四時，至今（29日）下午兩時，共收到 158 宗求助個案，其中有 50 宗個案的動物交回主人，85 宗未有消息，12 宗寵物未能聯絡主人的個案，8 宗只尋回部份動物，5 宗待主人認領。動物福利關注聯盟成員的劉鎮海呼籲，宏志閣尚未尋回寵物的主人盡快與愛協及消防聯絡，「第四日無水無糧，盡快交鎖匙比消防救返動物出嚟」。
宏泰閣、宏昌閣離世寵物數目較多
劉鎮海指高峰期約有 50 至60 名居民在封鎖線外等候寵物，有些更等予三日兩夜，「不過都係啲唔好嘅」。他說，宏泰閣及宏昌閣的離世寵物數目較多，「落嚟嘅比較少，嚟嘅都係走咗」。
關注組仍然有八宗只尋回部份動物的個案。劉鎮海解釋，有些主戶不只一隻寵物，「搵得一隻，搵唔得另一隻，但我哋唔可以再叫消防做多次，我哋都好無奈」。
關注組在保良局劉進幼稚園暨幼兒園對出設的動物救護站，今日下午撤退，愛協動物協會將會接手救助個案。動物福利關注聯盟成員的劉鎮海呼籲，宏志閣尚未尋回寵物的主人盡快與愛協及消防聯絡，「第四日無水無糧，盡快交鎖匙比消防救返動物出嚟」。
居民上樓尋貓無果
居住在宏志閣、養有一隻15個月大金影貓的黃先生，今日下午一時上樓尋貓，發現全屋停電，地上有貓屎，不過尋遍全屋亦無QQ（貓）的蹤影。黃生說，屋內無自動喂食機 、無裝CCTV，初時很擔心QQ會被餓死。
事發時，黃生母親在家，他收到火警訊息後，先嘗試短訊聯絡母親，無回應後再打電話通知媽媽。豈料，媽媽「落街睇下情況」後，已經不再讓居民上樓，因此 QQ 獨留家中。
獸醫護士凌晨到場救動物
獸醫護士 Victor 昨日在九龍區收工後，凌晨十二趕到現場參與動物救援。他描述今日救援範圍移至封鎖線範圍內，內有數名掃描獸醫及獸醫護士進行急救，收到有貓有狗甚至龜等爬行類動物，以及部分生還的動物。
Victor 戴上動物公仔的頭套，一身紫色手術服，左右手臂貼上「獸醫護士」的貼紙，說道：「見到有啲狀況係走咗，甚至乎係腐味、惹咗烏蠅蟲的遺體」。他一直說從未有停頓，「我哋作為獸醫及獸醫護士係唔會放棄佢哋，希望會有最後嘅人手救到最後」。
Victor 一向都有動物義工習慣，他指不論有很多人捐物資、幫助人也好，「動物始終是弱勢的一群」，好多人希望幫動物，但都可能用了人的角度，動物出來穩定他們的情況後可能無心地拖延咗佢嘅狀況，「作為獸醫護士有呢方面嘅知識，希望可以為呢件事貢獻少少，希望動物可以搵返佢哋嘅主人。」
最讓他深刻的是今早入去救援前，有位女士來到救護站，「佢好唔開心，話佢已經每日都嚟搵隻狗好多次，聽得出佢好焦慮，佢絕望到，喊晒口：『就算我知佢死咗，望下佢條屍都好』。其實對佢哋嚟講，（寵物）係同屋企人無分別。佢哋當（動物）係自己嘅仔女，好多喊完，停一次，繼續喊，喊得仲勁。」
救援現場分工明確，入面會有愛協同義工獸醫及護士，都會各自分工「埋位」。
他留意到，很多動物在火場內吸入濃煙，需要長時間觀察；無水無糧會低血糖；長時間無進食，救出來後會給大量食物他們，他提醒可能會有「再喂食後群症」，呼籲主人諮詢自己的獸醫。
密集式高度專注的 14個小時內，Victor 約接觸了10 至 20隻動物。 沒有無休息過嗎？他堅定地說：「一直等，做急救無得浪費時間，佢出嚟，仲有心跳，仲有機會，你就要搓（心外壓），可能呢個機會渺茫，都要搓。」
文章
