天眼直擊｜屯門髮型屋寄養雀鳥被盜 雀主疑愛鳥已遇害斥賊人冷血

2023-01-22 22:13

原文連結在此 : https://www.hk01.com/%E7%AA%81%E7%99%BC/859950/%E5%A4%A9%E7%9C%BC%E7%9B%B4%E6%93%8A-%E5%B1%AF%E9%96%80%E9%AB%AE%E5%9E%8B%E5%B1%8B%E5%AF%84%E9%A4%8A%E9%9B%80%E9%B3%A5%E8%A2%AB%E7%9B%9C-%E9%9B%80%E4%B8%BB%E7%96%91%E6%84%9B%E9%B3%A5%E5%B7%B2%E9%81%87%E5%AE%B3%E6%96%A5%E8%B3%8A%E4%BA%BA%E5%86%B7%E8%A1%80

屯門發生雀鳥盜竊案。一隻被寄養在井財街一間髮型屋的受傷「紅耳鵯」黑色雀鳥「黑仔」，上周五（20日）被人偷走。雀主已就事件報警，更發現閉路電視拍下整個偷雀過程，可見偷雀賊曾將黑仔捉緊在手中，質疑他已即場用力箍死黑仔。警方將案暫列作「盜竊」處理。

被盜雀鳥「黑仔」。（雀主鄭先生提供）

雀主鄭先生向《香港01》表示，事發在上周五（20日），他當日早上9時許路過髮型屋時，仍見到黑仔，至10時許再經過時便發現黑仔失蹤。他與髮型屋方面即時印發尋雀啟事，並到處尋找黑仔，至昨日（21日）下午4時許，他尋得附近店舖的閉路電視片段，發現黑仔竟是遭賊人偷走，於是報警。

鄭先生提供的閉路電視片段顯示，20日早上約10時08分，身穿藍色外套的偷雀賊走到髮型屋外，當時黑仔原本站在鳥籠外，賊人站在旁邊，又在附近徘徊及四處張望，約一分鐘後再次走到鳥籠旁邊，伸手狀似逗雀，但黑仔向反方向跳到鳥籠後方避開，賊人伸手想捉牠，牠則跳到街上。

▼黑仔被盜經過▼

另一閉路電視片段顯示，約半分鐘後，黑仔已返回鳥籠內，賊人伸手入鳥籠，黑仔在籠內亂飛掙扎，惟賊人最終成功把牠捉出來。鄭先生指出，片段顯示賊人「一隻手揸住佢（黑仔），好大力，一隻手就捉住佢個嘴唔畀佢叫，嗰隻雀仔好痛苦」。他形容黑仔很脆弱，片中見到牠豎起尾巴，代表已未能呼吸，「咁樣揸住佢摙住條頸，唔使一分鐘就走咗（死掉）啦」，認為事件除盜竊外亦涉及虐畜，估計黑仔已兇多吉少。他斥偷雀賊冷血，認為賊人是「想攞佢（黑仔）命」。

鄭先生向記者表示，黑仔是他去年5月在旺角雀仔街以500元購入，當時牠仍是雛鳥，連毛也未長出，鄭是因知道牠身體有傷，「唔忍心」故買回來飼養，現時牠雖已一歲，但因右邊翅膀受傷，「飛到枱面咁高就會跌」。

同樣姓鄭的髮型屋店主說，黑仔曾被送到漁護署驗傷證實傷殘，因雀主不懂飼養受傷的鳥，故把牠送到平日有幫忙照顧受傷雀鳥的髮型屋寄養。雀主鄭先生則說，今次黑仔被盜不影響他與髮型屋的關係，「只係怪呢條友（賊人）做啲咁嘅嘢」，「唔明啲人咁貪心，咩都要攞，仲要咁暴力」。

鄭先生提及，雖然已就愛鳥被盜報警，惟「一個警區日日偷呃拐騙咁多」，警方恐怕也未必能幫忙，只能盡量找尋偷雀賊。

「黑仔」被盜後，雀主及髮型屋發出尋雀啟事，附上偷雀賊的照片。（雀主鄭先生提供）