Apr 3, 2026
原文連結在此 : https://hkanimalpost.com/2026/04/03/04031-7/
昨早，做完電台《在晴朗的一天出發》關於動物實驗訪問，而每次做完節目，我都會檢討，諗下有咩地方可以補完零碎想法。希望令自己說法落地啲，至少大家聽起來較受落。
講真，唔使乜嘢數據同大道理，身為有血性嘅人，見到呢個「頭身分離」四隻字，點會冇感覺？老實講，正常人邊會唔覺得殘忍？
唔覺得殘忍嗰啲，多數會走嚟留言關心一下你：
「你哋係咪食素？動保偽善L！」
「你哋啲化妝品咪又係動物測試。」
「你阿媽生癌，記得唔好食藥。」
講真，呢啲留言，司空見慣，目的只為羞辱他人，而並非想社會進步、減輕動物痛苦，內容冇乜營養同埋討論價值。
又咁啱，見到PETA 批評王維基，轟HKTV Mall 母公司做殘酷動物實驗，話科學倒退至野蠻時代。咁我就做吓功課，溫吓書，了解一下野蠻年代，科學實驗究竟係做緊乜⋯
US美國 19 世紀的婦科實驗
被喻為「現代婦科之父」嘅美國醫生 J. Marion Sims，喺 19 世紀中期為了研究和開發治療陰道疾病嘅手術技巧，喺未經同意且沒有使用麻醉嘅情況下，對多名黑人女性奴隸進行反覆嘅開刀實驗。當時嘅黑奴被視為財產，完全沒有拒絕嘅權利。
回望呢一段慘痛嘅科學實驗歷史，我幾敢肯定，王維基先生，骨子裏價值觀，根本就視動物為低下階層，與人類奴隸無異，或甚更差，難怪佢可以肆無忌憚、面不改容咁公開自家慘不忍睹嘅實驗過程！
歷史去到最後，奴隸得到解放，黑奴得到平反，不再被視為資產，囚權得到重視。
動物身處於呢個時代，幾時先會被看見、幾時先會被正視，甚至得到真正嘅解放？
文章
