週五 2025-07-11
原文連結在此 : https://www.inmediahk.net/node/%E5%8B%95%E7%89%A9/%E7%8D%B2%E9%98%BF%E6%A3%8D%E5%B1%8B%E6%94%B6%E9%A4%8A%E6%BE%B3%E6%B4%B2%E9%B4%95%E9%B3%A5%E7%94%B1%E8%86%BD%E5%B0%8F%E9%AC%BC%E8%AE%8A%E5%B0%8F%E7%8E%8B%E5%AD%90-%E5%B0%87%E9%96%8B%E6%94%BE%E8%A6%8B%E5%A4%A7%E7%9C%BE%E7%9B%BC%E5%AE%A3%E5%82%B3%E3%80%8C%E4%BB%BB%E4%BD%95%E7%94%9F%E5%91%BD%E9%83%BD%E5%80%BC%E5%BE%97%E5%B0%8A%E9%87%8D%E3%80%8D
去年5月網上流傳影片，一隻鴯鶓（別名：澳洲鴕鳥）在天水圍一帶出沒，甚至在馬路上奔跑，令人嘖嘖稱奇——「原來香港都有鴕鳥㗎？」鴯鶓後來被漁護署捕獲，由署方照料約8個月，至今年2月由慈善動物收容所「阿棍屋」收養，現居於元朗錦田的阿棍屋高埔中心，取名MiuMiu。阿棍屋創辦人謝婉儀（Ivy）說，不想MiuMiu被人道毀滅及當作食品，寧願由阿棍屋照顧終老：「這是一個責任。」
相關報導：阿棍屋高埔動物拯救中心獲政府續租一年 創辦人冀長遠發展：穩定到十年、廿年
有別於在馬路上「大踏步神情確威武」的形象，Ivy笑說MiuMiu其實是一名「膽小鬼」，在漁護署生活期間，連看到鸚鵡都會十分緊張。雖則MiuMiu膽小，但牠不會攻擊人，開心時會發出「咕」的聲音，甚至會「開心到跳起」，不高興或「扭計」則會直接坐下，可稱得上是「性格大師」。
由最初連鐵籠都不敢踏出，後來慢慢「培養感情」，至今收養已有4個月，Ivy說感恩見證MiuMiu這段時間的變化，由「膽小鬼」變成「小王子」，亦顯得越來越喜愛居住地方：「我見到佢越嚟越覺得呢度係屋企，同埋由原本『驚青』到依家變成一個『小王子』，覺得好感恩⋯⋯佢以前就會覺得我哋拖住佢行先肯行，依家調返轉，你唔好拖住我行，我要自己行。咁證明佢覺得我要自己去享受呢個地方，已經係一開門自己就會出嚟，唔會以前咁呢靡靡摩摩 ，出又唔出，想出又好似唔好咁樣，啫係已經唔會啦，同埋好想好想出嚟。」
Ivy說未來會籌辦開放日，多做宣傳教育工作，讓大眾知道「任何一個生命都值得尊重」。她希望市民抱着「尊重」的心態來見MiuMiu一面：「希望抱住一個心態就係『佢喺度過得開心』，用一個尊重嘅心態。」
「我唔想佢畀人食囉！」
普羅大眾對於鴯鶓（音：而苗）的認知可能是相當陌生，鴯鶓主要分佈於澳洲，是現存世上體型第二大鳥類，僅次於鴕鳥，因與鴕鳥「撞樣」，又名為「澳洲鴕鳥」。去年5月網上流傳影片，一隻鴯鶓在天水圍一帶出沒，甚至在馬路上奔跑，更有網民戲稱是「走失鳥」，險象環生下令人覺得嘖嘖稱奇——「原來香港都有鴕鳥㗎？」
Ivy憶述當時看完影片後都「哇一聲」，心裡更是充滿疑問：「點解咁大隻，咁嘅物種喺條街到嘅？我都覺得好驚訝、好驚慌。所以我自己都有好多疑問，咁走出嚟，會唔會撞死㗎？主人認返佢會點㗎？」後來有人向Ivy求助，說鴯鶓被送入漁護署，但Ivy亦慶幸當時鴯鶓被捕獲後交由漁護署照顧，因此才有方法可即時溝通及跟進。天水圍周邊一帶較多郊區和農村，Ivy估計鴯鶓是由流浮山一帶走失，並相信是從小已被偷運來港飼養，而且不止一隻。
阿棍屋當時已第一時間向漁護署表達領養的意願，亦不停查詢鴯鶓的情況，因Ivy擔心「會畀邊到㗎？會唔會真係賣㗎？」談到為何如斯果斷，她直言「我唔想佢畀人食囉！⋯⋯我知道（網上）打『鴯鶓』呢兩個字，一定係食物材料，咁你唔知佢下場嘛。但嚟到我中心，我肯定我知佢嘅下場，係一定會照顧終老先。」
Ivy續說領養前只考慮兩方面，包括鴯鶓會否被人道毀滅及被當作食品，其餘則沒有考慮太多：「喺我自己心目中，任何一個都係生命，又唔會話睇佢外觀：『喂！佢係一隻雀仔喎，哇咁大隻、咁肉酸、個樣又唔靚、咁醜咁，不如唔好收啦。』我又無諗呢樣嘢，啫喺我自己心入面，我覺得都係動物啫，咁我就無分。」
領養過程「先苦後甜」 花六位數打造起居空間
Ivy形容整個領養過程是「先苦後甜」，她明白漁護署不會即時轉交給阿棍屋收養，因本港過去從未出現品種為「鴯鶓」的大型鳥類，署方需要觀察一段時間，同時亦需等待有沒有主人認領或視乎其他機構認領等。但因為鴯鶓並非本土動物，故其他機構不能接收，亦一直沒有主人認領。
相隔六個月後，終於傳來「好消息」，漁護署聯絡Ivy：「喂！你哋可以接啦！」縱然如此，領養鴯鶓也需要符合漁護署的領養要求，包括提供超過1,000呎的生活空間、有蓋房間以及兩米高的圍欄等，並要讓漁護署兩三次派員到中心視察環境。思前想後，最終Ivy在今年2月將鴯鶓收養在位於元朗錦田的阿棍屋高埔中心，與約50多隻大狗當「鄰居」。光是前期開支也要花費六位數字，而現時每月照顧鴯鶓的所需日常開支約數千元不等，Ivy打趣道：「負擔又唔係大嘅，對比起醫療開支可能仲大呀！」
漁護署取「鶓」的音，將該隻鴯鶓命名叫「MiuMiu」，並一直沿用至今。說起來這也是阿棍屋第一次收養大型鳥類，Ivy坦言從未想過：「蛇啊、蜥蜴，咁你知依家都多人養，嗰啲我都有諗過：『唔知會唔會有人棄養呢啲而我地又會收到呢？』但係你話鴯鶓我從來都無諗過，因為我見都無見過。坦白講，嗰時我都唔知咩叫鴯鶓，淨係知鴕鳥咪鴕鳥，但唔知係鴯鶓，所以更加唔知有佢嘅存在。」幸好漁護署有提供足夠資訊，即使在沒有經驗下，也能照顧妥當。
「膽小鬼」轉身變「小王子」
有別於在馬路上「大踏步神情確威武」的形象，Ivy說MiuMiu其實是一名「膽小鬼」，十分膽小和驚青，但牠不會攻擊人。她笑著說，MiuMiu仍在漁護署生活時，經過看到鸚鵡都會十分緊張：「佢細膽成點呢，就算佢以前喺漁護署住嘅房間，經過啲鸚鵡，望住隻鸚鵡就咁樣㗎啦，啫係一隻鸚鵡，咁大隻佢都已經唔郁㗎啦，同對方對視，證明佢個膽子好小嘅。」
Ivy又提到，領養前沒有機會探望MiuMiu，只能觀看從漁護署傳來照片及影片，笑言見到MiuMiu時的第一反應是：「咦？原來有咁高㗎？伸長條頸原來真係高喎！」，令她十分驚喜。她向記者分享與MiuMiu初次見面，接收到中心時的「漫長經歷」——當日漁護署先以訊息通知會遲到：「因為MiuMiu有啲曳，佢唔敢上車。」後來折騰了一段時間，怕生的MiuMiu終於到達，但過程擾攘很久，甚至在落車後都不敢步行，「三催四請，左推右推，左抱右抱」才將牠抱進籠內。她說MiuMiu第一日初來報到，試過突然間「卟一聲」成隻坐下，後來由同事一手抱進籠內。
現時中心總共有4名職員，日頭由三名全職職員輪流照顧MiuMiu，晚上會額外有1名留宿職員駐守中心。職員每日會放牠散步兩次，每次最少要1小時；飲食方面，職員一日會餵食兩餐，主要食物是雞料和蘋果，惟牠每日飲食量不多，需視乎心情；MiuMiu開心或興奮時會發出「咕」的聲音，甚至會「開心到跳起」，平常喜愛在中心範圍內「自由行」，不高興或「扭計」時會直接坐下，可以稱得上是「性格大師」。
除了照顧日常起居，Ivy說與MiuMiu「培養感情」也是十分重要：「要多啲同佢溝通，摸吓佢，同佢梳毛，等佢知道呢度係你屋企嚟㗎喎，我相信動物都重視呢個關懷。」MiuMiu由最初連鐵籠都不敢踏出，到慢慢願意在中心範圍內散步，也需時兩至三個星期適應。
談到收養近4個月的感受，Ivy說感恩見證MiuMiu這段時間的變化，由「膽小鬼」變成「小王子」，亦顯得越來越喜愛居住地方：「我見到佢越嚟越覺得呢度係屋企，同埋佢原本由『驚青』到依家變成一個『小王子』覺得好感恩，因為佢開始鍾意呢個地方，佢以前就會覺得我哋拖住佢行先肯行，依家調返轉，你唔好拖住我行，我要自己行。咁證明佢覺得我要自己去享受呢個地方，已經係一開門自己就會出嚟，唔會以前咁呢咪咪摸摸，出又唔出，想出又好似唔好咁樣，啫係已經唔會啦，同埋好想好想出嚟，所以我覺得佢開始好鍾意依個地方，我都好感恩。」
將辦開放日 望大眾抱「尊重」心態
領養初期，Ivy曾擔心MiuMiu見到太多人會不適應，感到害怕，甚至影響情緒，但連月來觀察牠逐漸適應「見人」和其他活動，未來1至2個月會開始籌備公開探訪，或需事先預約，每次人數約20人不等。Ivy說籌備開放日除了希望大眾來見MiuMiu一面外，亦希望市民抱着「尊重」的心態：「希望抱住一個心態就話『佢喺度過得開心』，用一個尊重嘅心態。」她期望未來可多做宣傳教育工作，讓大眾知道「任何一個生命都值得尊重」。
文章
