居住在宏仁閣的陳小姐今日上樓執拾。她曾領養多隻流浪貓，其中7隻在火災後獲救。她在執拾後向《獨媒》展示單位內照片，可見門上貼有「有貓、searched、已取走」字句的紙張，單位內亦遺下愛協和消防員幫手擺放的貓糧和貓籠。至於唯一未尋回的愛貓「細佬仔」，陳小姐說今日上樓後亦沒有發現，相信求生意志很強的牠只不過是逃生成功：「希望佢可以再遇到一個有緣人，帶咗佢返屋企，俾個溫暖嘅家佢。希望我哋嘅緣份仲未完，有緣再見。」
陳小姐住宏仁閣4樓，單位沒有損毀，但其6歲愛貓「細佬仔」在大火後一直未見蹤影。她今早上樓前曾向傳媒表示，不希望在單位發現「細佬仔」：「寧願佢做返流浪貓，都唔希望喺屋企見到佢。」陳小姐落樓後向記者確認，未有見到「細佬仔」，單位僅留下「有貓、searched、已取走」字句紙張，以及愛協和消防員幫手擺放的貓糧和貓籠。
她向《獨媒》表示，「細佬仔」很乖、很聰明，雖然本身有貓愛滋，但求生意志很強，相信「細佬仔」在火災後失蹤是因為牠成功逃生。她今日回到單位時內心有跟牠告別：「雖然佢唔再喺我哋身邊，但希望佢都靠住自己強勁嘅求生意志，可以繼續喺街上面生活，希望佢可以再遇到一個有緣人，帶咗佢返屋企，俾個溫暖嘅家佢，雖然同佢相處嘅日子唔算好耐，大概五年左右，希望我哋嘅緣份仲未完，有緣再見。」
陳小姐其餘7隻貓咪則已尋回，其中1隻由愛護動物協會在去年聖誕節擺放捕貓籠時尋回。
失「金桃擺設」當破財擋災 感謝民安隊協助搬運
陳小姐憶述上樓經過時說，宏仁閣地下大堂沒有燒過痕跡，但行樓梯期間見到一、二樓部分單位損毁嚴重、完全燻黑：「防煙門都燒到溶咗一半。」她的單位則無大礙，但廚房的窗被拆去，亦遺失了一個「金桃擺設」：「但係我哋都冇特別去報警了，都唔知係搵唔到定係點喇，就當破財擋災。」
三個小時期間，陳小姐一戶共上落了約十次，帶走了以前學界比賽的獎牌、獎杯等等。她說，單位內很多有用的物品都能帶走，希望再有機會上樓執拾。她又形容整個過程順利，民安隊職員會主動幫忙拿物資落樓，時限到了亦沒有要求他們立即離開，只叫他們盡快執完最後一轉物品：「真係好多謝民安隊嘅職員唔嫌我哋麻煩，陪我哋上落咗咁多轉。」
文章
