Sky Post P10 港聞 |315 Character(s) |2022-02-04
海洋公園今年45周年，黛安收到風，早前有45位新成員搭牛年尾班車，趕及今年虎年同大家拜年！例如「南極奇觀」有21隻巴布亞企鵝、3隻南跳岩企鵝、1隻國王企鵝出世，喺爸媽悉心照顧下，部分BB幾個星期內已開始換毛，長出成羽便可下水同大家展示泳姿。「海洋奇觀」都有10隻黃海馬同10隻大腹海馬誕生，隻隻都活力十足。
同樣係公園icon嘅大熊貓同小熊貓就好有口福，好似大熊貓安安和盈盈就有得食開運賀年菜，以開胃雷竹筍做頭盤，配埋紫薯年糕同吉祥蘋果，樂樂仲可以喺紅蘿蔔同沙葛製成嘅桃花樹下歎賀年美食。小熊貓聰聰就有由高纖餅乾同紅蘿蔔製成嘅賀年冰年糕，仲有放滿新鮮火龍果、玉米筍等傳統全盒。黛安都希望疫情早日消退，大家可以去海洋公園見下新成員，探下老朋友。
文章
