讚！職安真．漢子一口應承 吊工字鐵救4狗B

《蘋果日報》，2016/3/14

「讚！地盤叔叔都有溫情一面！」有狗義工二月底前往深水埗一帶，尋找1隻剛分娩的流浪狗媽媽及4隻狗BB，走遍多個正在施工的地盤仍遍尋不果，很擔心牠們一家的安危，直至兩日後的早上，終於發現牠們藏身在一個地盤的大型工字鐵深處，但都無辦法引牠們出來，「即使開晒罐頭都唔得」，幸而一班地盤工人出手相助，才成功救出全部狗狗。

當時他們在無計可施下，只好懇求地盤工幫忙，估不到地盤工一口答應，還叫來幾個人一齊幫手，「佢哋仲揸部吊機過嚟吊起嗰三舊大型工字鐵」。狗義工憶述，當時地盤工人相當細心協助，「佢哋好nice，好願意幫手」，仲話「狗都有生命㗎嘛，都要救佢哋㗎嘛，如果唔係死路一條」，令她大受感動。

狗義工透露，現時4隻狗BB已經全部被人領養，「啲地盤工人都keep住有問啲狗狗而家點，有時我哋都會畀啲相佢哋睇添」。她又指以往曾到過不同的地盤救狗，但從未有工人願意協助，「估唔到呢度嘅地盤工人咁有愛心，唔好睇少佢哋係藍領，平時粗粗魯魯咁，佢哋都有顆善心喺度，真係好多謝佢哋」。