【颱風山竹】狗場場主捨身救狗 遭瓦礫撃致腦出血仍未脫危險期

2018-09-17 18:24
原文連結在此: https://www.hk01.com/寵物/236376/颱風山竹-狗場場主捨身救狗-遭瓦礫撃致腦出血仍未脫危險期

超強颱風「山竹」日前（16日）為本港帶來極大破壞，大埔元嶺其中一所狗場山泥傾瀉，遭受嚴重破壞，狗場場主於搜救狗狗期間被瓦礫擊倒，致腦出血及全身多處骨折。義工引述醫生指，急救後場主仍未脫離危險期，暫未甦醒。事發後有網民得知狗場場主的窘況，立即組團前往狗場完成剩餘搜救工作，將所有狗狗救起，並暫將牠們安置於不同義工的家中。

狗場屋頂封蓋及室內的設備無一倖免，一律被吹到戶外。（義工Kimchi提供）

場主營救狗狗　遭瓦礫撃倒致腦出血

超強颱風「山竹」昨日（16日）橫掃香港及珠三角一帶，本港多區受颱風影響，多處出現山泥傾瀉及大樹倒下。大埔元嶺一間狗場「老有所依動物村-洪家棣 」於風暴下受嚴重吹毀，狗場屋頂封蓋及室內的設備無一倖免，一律被吹到戶外。

狗場場主洪先生更於營救狗狗途中被瓦礫擊倒，當場昏迷，其妻子得悉後即將他送抵醫院，隨後亦於狗場的Facebook專頁上請求有心人幫忙，營救仍在狗場的狗狗逃出困境。

場主的妻子得悉丈夫受傷的消息後，立即於狗場的Facebook專頁請求有心人幫忙營救在內的狗狗。（FB@老有所依動物村-洪家棣 - Tai）

義工：現場寸步難行

呼籲貼文一出，大批網民轉載消息，隨後百多名義工立即請纓要求加入營救工作。其中一名到大埔狗場搜救的義工Notty接受《香港01》記者訪問時表示，「當時我哋要由村口去到狗場嘅路達到300米，由於當時條路周圍都係倒塌咗嘅大樹，我哋大約20個義工一齊行入去嘅時候，感覺真係好恐布！」

一眾義工到達現場後，眼前滿目瘡痍叫他們目定口呆：「一行到入去狗場附近，就已經見到成堆頹垣敗瓦，好多狗狗都受驚走晒出嚟。我哋見到事情咁混亂又有咁多大樹倒塌，立即分成兩批人，手拖手咁將續隻續隻狗狗運返出村口。」Notty緊張說道。

Notty表示當一眾義工抵達狗場附近時，已看見道路滿布倒塌大樹。（照片由義工Kimchi提供）

營救中一隻狗狗被硬物撃到下肢及骨盆

Notty表示，狗場裡的狗狗安然無恙，大部分經以送抵不同義工的家中暫時寄養：「狗場其實本身有23隻狗狗，但因為其中一隻受驚過度走失咗，我哋見情況緊急之下唯有先暫時離開。好彩我哋最尾得知返呢一隻狗狗無事，已經喺狗場附近畀人照顧緊。」但不幸的是，其中一隻狗狗接受義工檢查時發現，下肢疑遭瓦礫撃倒，下身完全動彈得：「當時我哋見到咁嘅情況真係好心急，八號風球下仲要搵仍然應診嘅獸醫診所，可以話踢晒腳。」Notty說道。

狗狗最終送抵大圍珍禽異獸及寵物醫院接受治療，經獸醫檢查後證實其下肢曾受硬物撃到，下肢兩腿及骨盆受創，現於獸醫院留醫。

狗場負責人洪先生（右一）在營救救狗狗時疑遭瓦礫撃們，導致腦出升及全身多處骨折。（老有所依動物村-洪家棣）

狗狗糧食短缺　義工呼籲有心人協助

據Notty了解，現時場主洪先生及洪太太都在風暴期間營救狗狗時不幸受傷，「以我所知，洪生係被瓦礫撃倒嘅，醫院醫生就話佢現正處於危險期，因為佢被硬物打中咗之後，出現腦出血同全身好多位置都出現骨折嘅情況，聽返佢哋（洪先生家人）講，佢宜家仍然處於昏迷狀態，我哋一班義工真係好擔心佢。」Notty補充說道：「其實洪太喺今次風暴之下隻手都受咗傷，好彩嘅係佢已經出咗院，但我所知佢宜家一方面為老公擔心，佢都好憂慮狗場同埋狗狗嘅情況。」

Notty於訪問末亦表示，希望藉此感謝昨日風球下，有分幫忙到大埔狗場進行營救狗狗工作的義工，「我哋親身去到狗場嘅義工有成30幾人，但其實我哋背後其實有超過100位義工去Back Up（支援）我哋，例如義工Kimchi幫我哋做齊交通分析、義工Ivy同Haley負責搵邊間獸醫院仍然營運緊等等。」

義工Kimchi亦在電話上向記者表示，現時最逼切需要的物資是狗狗的糧食，並呼籲若有《香港01》讀者或網民伸出援手，有意者可Whatsapp聯絡 68971778（Kimchi）／66898774（Notty）。