8港產導盲BB犬亮相

《蘋果日報》，2016/9/22

本地導盲犬八星報喜。香港導盲犬服務中心再用人工受孕，成功培育第二胎導盲幼犬。8隻拉布拉多幼犬7月28日出世，包括5雌3雄，全部黑色，父系來自英國，母系來自美國。8隻幼犬噚日首次亮相，中心人員要為佢哋套上唔同顏色頸圈，否則幾難分到邊隻打邊隻。

香港導盲犬服務中心主席張偉民話，AGBN（亞洲導盲犬繁殖聯盟）早前送過幼犬畀香港，支持香港導盲犬發展。香港目前有33隻幼犬，所以會將其中3隻分別送贈畀友會同AGBN，係首次將本土導盲犬送贈畀日本同台灣友好機構，預計年尾或明年初再有另一胎導盲犬出生。

中心會將培訓成功嘅導盲犬，免費提供畀視障人士使用，呼籲符合條件市民申請領養，幫手培育幼犬。