2017年11月29日星期三

豬五口屋苑搵食旁若無人

《東方日報》,2017/11/27

野豬一家五口屯門巡遊,屋苑食飽肚即閃。前日下午五時許,有五隻野豬走到屯門景峰徑怡樂花園對開行人通道蹓躂,其中三隻體形相對較小,估計是一家五口落山「醫肚」,牠們之後分頭覓食,有的更跳上花槽石壆,在草堆中尋找食物,不少途人睹狀後舉起手機拍照,「打卡」留念,最高峰時約有五十人圍觀,場面熱鬧。

吸引近50人圍觀打卡

縱使圍觀的人數眾多,野豬群未有對途人「反應過敏」,繼續自在地覓食,期間曾有市民報警求助。警方到場後,野豬們已經「食飽飽」,一同返回附近山頭,圍觀途人亦陸續散去。據其中一名有份「取景」的讀者陳先生表示,在附近屋苑居住近卅年,首次撞見有野豬在上址出沒,估計是從附近山頭到來覓食,他不擔心野豬會襲擊人,惟他當時趕着出街,拍照後匆匆離開。