2018年6月10日星期日

貴婦狗入院醫腸胃病 出院胸口驚見大血洞

《蘋果日報》,2018/6/9

「我(送隻狗)係入嚟醫腸胃,隻狗原先係冇問題嘅,點解你哋(動物診所)可以導致佢心口冇咗咁大塊肉呢?」美容顧問徐小姐飼養的三歲茶杯貴婦狗Rabbie,上星期三因嚴重腸胃炎而不肯進食,「又暈又嘔又痾血」,她經朋友介紹,凌晨到大圍一間24小時動物醫院求診,結果換來一場「噩夢」。

她憶述,當晚抵達仁心動物診所醫療中心後,護士告知主診醫生陳麒吉外出應診,「佢(護士)話醫生會遙控處理,其實平時所有藥都係姑娘落㗎喇,醫生睇到你隻狗仔情況會落藥,會安排護士去做」。當時Rabbie情況惡劣,缺糖亦缺水,她便將Rabbie交給護士處理,當晚Rabbie病情有好轉。

惟四日後,護士以手機傳來Rabbie照片,相中可見牠胸口有一個橙紅色傷口,護士指不清楚Rabbie為何受傷,更反問徐小姐探病時有否對Rabbie做過甚麼,徐稱當然不關自己事,翌日更即刻接Rabbie出院,當時護士急著要她付款又送她上車離開。

她回家後,才發現傷口很嚴重,「有成個五蚊銀咁大」,之後與護士對質,但對方推卸責任,反指:「可能你(Rabbie)免疫力唔好啦,亦可能你(Rabbie)嘔吐時,有胃酸灼到傷口而導致受傷。」又指可能是風筒或熱氈造成傷勢。徐小姐要求對方提供院內閉路電視片段,但護士指Rabbie位置「咁啱冇CCTV影到」。

徐小姐認為對方解釋荒謬,要求退回近九千元醫藥費,但遭院方拒絕。護士指藥費均是幫Rabbie治理腸胃病,亦已治好了牠,但可以再協助治理Rabbie胸口傷勢。徐小姐斷然拒絕,最終自行到愛協求診。她認為,今次是醫療事故,「見到係有個針窿,唔知係咪佢抽血嗰時形成。」對於護士估計傷勢是Rabbie的嘔吐物罨住導致,「我覺得好荒謬!」

原本活潑開朗的Rabbie,事後性情大變,經常悶悶不樂,「不停手震腳震」,徐小姐亦擔心牠胸口將來會留疤痕。她極度不滿醫院處理手法,會考慮向獸醫管理局投訴,亦覺得很內疚,形容整件事感受是「害咗隻狗囉,我自己害咗隻狗囉……」

記者到涉事診所查詢,負責Rabbie個案的護士Jojo表示,主診醫生現時不在香港,「傷口由頭到尾,我冇否認我地造成……當晚我有同佢講過我地呢度冇夜診醫生。」她解釋,主診醫生當晚有遙距看過Rabbie的驗血報告,也透過護士知道Rabbie病況,並遙距開藥。

Jojo指診所開業十多年,只有陳醫生一名醫生,陳亦住在附近。今次因好朋友介紹,才首次由醫生遙控診症,事後院方已檢討是否有不足之處,更講到聲淚俱下稱:「我好擔心隻狗,我係想隻狗好囉……我一個人好心(幫朋友),搞著成間診所,我好內疚……自討苦吃,攞苦嚟辛。」

獸醫黎昌生質疑,涉事診所不應在醫生不在場情況下,接收個案及開藥治理,「(醫生)無理由唔在場,咁樣係做任何程序都唔得」。這與事主當時是否同意並無關係。經查看Rabbie傷口相片後,黎認為似是燒傷造成,「無可能因為嘔吐物罨住引致」。

他補充,如Rabbie受電熱氈灼傷,護士有可能在頭幾天未能察覺,「開頭只會紅紅地,之後死皮死肉脫落,先見到傷口」。至於為何其他部位沒有灼傷,他估計受傷範圍曾經濕了,所以更易受熱,他認為事件屬意外,「唔會係專登造成,係疏忽造成嘅意外」。